Archive for the ‘نساء معيلات آسر’ Category

Woman’s role in the community

Our neighbor has three children and cultivated land. He wanted to obtain an extra job, so that he can better provide for his family. His wife used to work in the land, raise the children and run the household. She used to wake up at 5 am to carry out the household work until 7 am, then she goes to the field to do the work that her husband should be doing, but he cannot because of his new job.
She used to feed her children and get them dressed up for school.
In the afternoon she takes a nap, and then does the laundry.
By sunset, she gets livestock back from the field, makes dinner and spends some time with her family.

Nadia Mohammed

The post in Arabic

دور المرأة في المجتمع الشرقي

حالة الست في بلدنا

كان  في جارتنا عندها ثلاثة اطفال وكان لديه ارض وكان زوجها يحاول ان يحصل علي الوظيفة ويشتغل في المحجر علشان يصرف علي العيال وكانت زوجته تعمل في الارض وتربية الاولاد وتعمل في البيت تقوم من النوم في 5 صباحا تعمل في البيت الي ال7 صباحا وبعدها تذهب الي الغيط لتعملبدلا من زوجها الذي يعمل في المحجر .

كانت تفطر اولادها وتلبسهم للذهاب الي المدرسة ويذهب زوجها الي المحجر وتحضر لهم الغداء زتنضف البيت وتقوم بكل المصالح .

في الضهرية كانت تستريح لفترة قصيرة وبعد ذلك تشطف الاولاد وتغسل ملابسهم.

وفي المغرب تحضر البهايم من الغيط الي البيت وتحضر العشا وبعدها تجلس مع اولادها وزوجها .

وكل يوم يبقي زي اللي فات.

نادية محمد

دور المرأة الريفية في المشاركة في الحياه السياسية

من تصوير احدي فتيات الدوادية-مشروع ارزقيات الصعيد

حيث أن المرأة الريفية لا تعرف معني الحياة السياسيةلانها لا توجه اليه التوعية الكافية حتي تعرف مالها وما عليها من واجبات نحو هذا الوطن العزيز الغالي فكيف تشارك وهي لم تقرأ ولم تكتب؟ لانه اتحرمت من حقها في التعليم .

المرأة في الريف لا تهتم بالمشاركة في صناعة المستقبل بلادها ومستقبل أولادها لانها لم تعرف كيف تشارك في الحياه السياسية مثلها مثل المرأة التي تعيش في المدن نظرا لانها مشغولة ما بين المنزل و تربية أولادها ورعايتهم والذهاب الي الحقول للعمل ومساعدة زوجها .

المرأة الريفية تختلف عن المرأة في المدينة ، ففي الريف لا توجد مساواة بين الرجل والمرأة فالمرأة في الريف يقتصر علي تربية الاولاد والحقل للعمل ، اما المرأة في المدينة لها كثير من الحقوق مثل الرجل في التعليم والعمل .

فأين حق المرأة الريفية  في المشاركة خصوصا في الحياه السياسية؟

وردة فهمي مطاوع عبود- الدوادية

الحرمان من الامومة من أجل الطلاق

أطفال من قرية الودادية _ خاص أرزقيات الصعيد

كتبتها: حنان من قرية الدوادية

انا عندي واحد وعشرين سنة اتجوزت من احد الجيران وعندما اتقدم لاهلي لم يسألوني عن رأيي في شريك حياتي ولكن تم الزواج وبعد شهر تركني وسافر للعمل في القاهرة لمدة عامين وبعد سفره بشهر حملت في ابني ووضعت ولدا جميلا وارسلت له الصور وعندما رجع بعد عامين كان فرحان.

لكن بعد عام استمر في العتاب والضرب والشتايم القبيحة حتي اني عرضت عليه يتجوز عليا الحل الوحيد كان لازم امشي لكن المشكلة كانت اني مقدرش اسيب ابني وامشي وكل الناس تقولي ربنا يصبرك علي ما بلاكي مقدرتش علي معاملة كاني حيوانة وبعدها طلبت الطلاق وكان لازم اختار ما بين ابني والطلاق و هو اصر علي الطلاق واني اتنازل عن كل حاجة حتي ابني ولحد دلوقتي مشوفتش ابني .

عن محاجرنا

محاجر في الدوادية_ خاص أرزقيات الصعيد

كتبتها: مرثا

كان في رجل بيعمل في المحجر وكان بيصرف علي مراته وبعدها اتوفي وساب ولد عنده 16 سنة طلع بعد ابوه ما توفي يشتغل في المصنع علشان يجيب رزق للبيت وفي نفس الوقت يروح المدرسة يتعلم يومين وباقي الاسبوع في المصنع لحد ما الولد تعب وجاله مرض اسمه زلال تعب جدا ومحتاج يصرف كتير في العلاج .

بدأت الام تشتغل في ادوات تجميل في البيت علشان تقدر ترعي الاولاد ودخلهم المدارس ومحدش بيساعدها في حاجة وملهاش دخل من أي مكان تاني وفضل ابنها اللي عنده زلال يشتغل في المحجر ويا ريت الفلوس اللي بياخدوها بتقضي المدارس ولا مصاريف البيت الواحد بيروح يشتغل في محجر المصنع يكون سليم ويرجع مفقود .

انابيب البوتاجاز فين ؟

سماح رايحة تملى انبوبة بوتجاز

الواحدة تقوم من الصبح علشان تملا الانبوبة وتسيب بيتها ومصالحها وليه لسه فيه المشاكل اللي كانت قبل الثورة ؟ ساعات بحس ان بلدنا هيبقي فيها مجاعة.

وليه الحاجة مش بترخص؟ عشان كلنا نبقي مرتاحين . الانبوبة وصلت ل خمسين جنيه طب لو الواحد علي قد حاله؟ هيجيب منين ؟ دا حرام وظلم يا ريت الاسعار تنزل وتبقي زي الاول علشان اولادكم ميموتوش ولا تحصل مجاعة بسبب الفلوس .

الاسعار لازم تتغير زي ما الثورة غيرت وكل الناس لازم تقول مطالبها عشان كل واحد يلاقي رزقه ورزق عياله هو احنا هنصرف علي ولادنا ولا علي الانابيب؟

حكايات بنعيشها

أم تخبز في منزلها_ تصوير وردة من بنات الودادية

كتبتها: سمية

اول حكاية عن العيش
العيش مشكلة كبيرة لانه مش موجود اصلا
اولا عيش الاشتراك غير صالح لان به اشياء كتيرة من الحشرات ولمة العيش يبقي كدة صحتنا هتبقي ايه؟ وصحة اولادنا واحفادنا
من حقي اخد عيش نضيف لان انا بدفع كل شهر اتنين جنيه وربع اشتراك غير تمن العيش وبصحي الساعة خمسة عشان الحق العيش ويا ريت العيش بعد دا كله ينفع يتاكل ده عيش بيخسر صحة الانسان

الحكاية التانية عن الام
الام تعبت وربت وطول عمرها تعبانة وفي الاخر الاب بيرمي اولاده علي امهم تصرف عليهم وتوكلهم وتشربهم وتدي المصروف وتشتغل تبيع الخضار والفاكهة وكمان تسرح العيال لبيع الترمس والفشار وتكد وتعمل مثله او اكتر منه
هي تصرف علي اولادها وهو يصرف علي شهواته ولا يراعي حق ربنا في ولاده هل هذا الاب مثالي ؟