البيت بيت ابونا والغُرب يجوا يطردونا

 

الصورة مستعارة من جوجل

الصورة مستعارة من جوجل

 

تخيلوا بعد ما تقعد في دارك سينين طويلة، تشهد حيطانه على فرحك وحزنك على حظك الكتير وحظك القليل، تيجي الحكومة تطرودك بره، تخيلوا دة حصل في الدوادية !!! الست سعاد ست اميرة ارملة وام لاربع بنات، بعد وفاة زوجها غدر عليها اهله ، رفضوا تكون هي وعيالها في بيت العيلة، واكلوا ورثوه وحقه في امه وابوه، الست سعاد مستسلمتش ، ست جادة وتد بصحيح ، راحت وسكنت من زمن في بيت وحديها هي وعيالها ، وقررت تشتغل آمال اية؟؟؟ تجيب منين ، الست سعاد حلمها لعيالها مش اكل وشرب بس … الست سعاد عايزة تعلم البنات ، ماهي  عارفة ان العلام سلاح في يد البنت منا ، بعد ما ترملت واتبهدلت من غير راجل لها في الدوادية.

قررت تشتغل، تعرفوا اشتغلت اية؟؟؟ اشتغلت سواقة لعربية نصف نقل تنقل بها العمال من القرية للجبل !!! وكأنها عايزة تقول للخلق كلتهم انا ست قوية واقدر اعمل اللى معملتهوش ست تانية واللى بيعمله الرجالة بس ، الست سعاد محل احترام وتقدير كبير في قريتنا. لكن الحلو مايكملش ، عندينا مشكلة كبيرة خالص في ملكية اراض بيوتنا، بعد ما سكنا واتربنى في البيت جت الحكومة في ذات يوم تعلمنا على يد محضر ان الارض مش بتعتنا واننا ملناش حق في السكن والدار، ودخلنا في مشاكل كبيرة ما ليها اول من اخر ، تروح فين الست سعاد وبناتها الاربعة؟؟ ويعني اية البيت بعد العمر دة افتكرته الحكومة ؟؟؟

المشكلة دى عويصة وكل يوم بتكبر في الدوادية … تستاهل الست سعاد فيديو منا نصور معها وتقولنا على شغلها وجدعنتها والمر اللى شافته في تربية الاربع بنات.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: