ابو قرش بقي بقرشين

 

الصورة مقتبسة من جوجل

الصورة مستعارة من جوجل

 

الواد كان بيلعب اقدام البيت، فجأة فط وجع على حجر السلم، لقيت جي جري عليه يصوت والدم ملي بقه ، اتخرعت واتفزعت على الولاه، اخدته جري برجل حافية ، كاتمة الجرح بيدي، وروحت به على المستشفي بنزلة حسين، والله ما انا عارفة ازاي انا جريت به  اثنين كيلو من الدوادية لنزلة حسين !!.

خلاصته ، دخلت بالولاه استقبال المستشفى كان امم ، ناس كتير ، ماهي المستشفى دي بتخدم كذا قرية من قرى شرق النيل، خدوه مني ، لما لقوا الواد دمه سايح اخده منى الدكتور، خيط الجرح وربطه بشاش وقطن ، وعمل اللازم.

جيت اخد الولاة وامشي ، منعنى قالي واخدة حالك ورايحة فين ؟؟؟ العلاج بفلوس ؟؟؟ بلمت وسهمت قدامه ..، قلت له ليه يا دكتور ؟؟ دة مستشفى حكومي  وعلاج الاستقبال مجاني .. قلي معدش فيه حاجة ببلاش دلوقتي يا ست ، ادفعي تمن الخياطة والشاش وغيره.

والله ساعاتها ما كان في جيبي مليم واحد، رجعت الدوادية جمعت مبلغ ما كان في الحسبان اني ادفعه ، ورجعت نزلة حسين ادفع الفلوس واخد الولاه، اللي حجزوه لحد ما اجيب الفلوس، مع اني متأكدة ان علاج الطوارئ ببلاش .

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: